Вашынгтон гатовы разгледзець магчымасць перазаключэння Дагавора аб ліквідацыі ракет сярэдняй і меншай далёкасці. Такую заяву зрабіў кіраўнік Злучаных Штатаў, калі выступаў са штогадовым зваротам да кангрэса. Паводле слоў Дональда Трампа, такі варыянт дапушчальны ў выпадку пашырэння складу ўдзельнікаў пагаднення. У прыватнасці, неабходна далучэнне да дагавора Кітая, а таксама шэрагу іншых краін. Нагадаем, 1 лютага кіраўнік Белага дома аб'явіў пра пачатак выхаду з ДРСМД. Гэтае рашэнне названа экспертамі горшым за ўсю кар'еру Трампа. Такі крок руйнуе сусветную стабільнасць.
Дональд Трамп, прэзідэнт ЗША: "Магчыма, мы можам дамовіцца аб іншым пагадненні, дадаўшы да яго Кітай і іншых. Магчыма, не. У такім разе мы будзем выдаткоўваць на такога роду ваенныя распрацоўкі нашмат больш за ўсіх іншых і ўкараняць у гэтай галіне значна больш за іншых".
У сваёй прамове прэзідэнт ЗША чакана закрануў набалелую для ўсёй краіны тэму - сітуацыю з бюджэтам. Трамп ізноў заклікаў партыі аб'яднацца для пераадолення крызісу і нагадаў дэмакратам, што ў іх засталося ўсяго 10 дзён, каб прыняць рашэнне аб бюджэце на ўмацаванне паўднёвых меж. Ад сваёй ідэі пабудаваць сцяну амерыканскі лідар адмаўляцца не збіраецца. Раней ён дапусціў магчымасць узвядзення бар'ера на мяжы з Мексікай "з жывых людзей".
