З "вялікім здзіўленнем" успрымае Расія пазіцыю Вялікабрытаніі ў справе былога афіцэра ГРУ Сяргея Скрыпаля. Так сітуацыю сёння пракаментаваў прэс-сакратар прэзідэнта Расіі. Паводле слоў Дзмітрыя Пяскова, пазіцыя Лондана безадказная і парушае міжнароднае права. Акрамя таго, у гэтай справе ёсць усе прыкметы правакацыі. Кіраўнік МЗС Сяргей Лаўроў заявіў, што Масква вышле брытанскіх дыпламатаў у адказ на аналагічныя дзеянні Лондана.
Прэм'ер-міністр Брытаніі прама вінаваціць Расію ў дачыненні да атручвання экс-разведчыка. Яе ў гэтым падтрымалі ЗША на пасяджэнні Савета Бяспекі ААН. Тэрэза Мэй назвала і меры. З Туманнага Альбіёна будуць высланыя 23 расійскія дыпламаты. Акрамя таго, прыпыняюцца ўсе двухбаковыя кантакты на вышэйшым узроўні. І як стала вядома, услед за Вялікабрытаніяй санкцыі ў дачыненні да Расіі вырашыла ўвесці і Францыя. Такую заяву Эмануэль Макрон мае намер зрабіць у найбліжэйшыя дні.
