Рэферэндум аб незалежнасці Каталоніі прызначаны на 9 лістапада

27 Верасня 2014

Рэферэндум аб незалежнасці Каталоніі ад Іспаніі афіцыйна прызначаны на 9 лістапада. Адпаведны ўказ падпісаў кіраўнік вобласці. Роўна тыдзень таму парламент Каталоніі прыняў закон аб правядзенні апытанняў сярод жыхароў рэгіёна, дзякуючы якому стане магчымай арганізацыя плебісцыту. Раней амаль 2 мільёны чалавек выйшлі на вуліцы Барселоны ў падтрымку незалежнасці вобласці. Тым часам у Мадрыдзе лічаць, што вынікі галасавання не будуць мець законнай сілы да адпаведнага рашэння Канстытуцыйнага суда. На панядзелак прызначана пасяджэнне кабміна для абмеркавання спосабаў блакіравання рэферэндуму.