Кабінет Міністраў Японіі адобрыў законапраект, які дазволіць імператару Акіхіта адрачыся ад трона, што адбудзецца ўпершыню амаль за два стагоддзі. Зараз законапраект будзе накіраваны ў парламент. Дакумент быў распрацаваны для 83-гадовага імператара, які ў жніўні мінулага года выказаў жаданне адысці ад спраў праз старэчы ўзрост. Пераемнікам яго стане 57-гадовы спадчынны прынц Нарухіта. Далейшага адрачэння імператараў ад прастола пры жыцці законапраект не прадугледжвае. Паводле дзеючага заканадаўства, яны знаходзяцца на троне пажыццёва.