Да ўсходняга ўзбярэжжа Філіпін наблізіўся тайфун "Мелор"

На Філіпінах часова закрываюцца школы, спыняюцца паромныя зносіны - да ўсходняга ўзбярэжжа краіны наблізіўся тайфун "Мелор". Ён нясе з сабой штармавыя хвалі вышынёй да 4 метраў і праліўныя дажджы. Высокая небяспека паводак і апоўзняў. Тайфун за ноч набраў сілу, у краіне ўведзены вышэйшы ўзровень нацыянальнай метэаралагічнай пагрозы. Нагадаем, у лістападзе 2013 года на Філіпіны абрынуўся тайфун "Хаян", яго ахвярамі тады сталі больш за 8 тысяч чалавек.