Сапраўдныя героі музыкі і кіно ў работах Эндзі Уорхала. Нью-Ёркскі аўкцыённы дом Крысціс атрымаў больш за 150 мільёнаў долараў, прадаўшы два партрэты. Гэта Трайны Элвіс і Чатыры Марлоны. Пры гэтым спецыялісты планавалі ўтаргаваць толькі 130 мільёнаў. Партрэтам караля рок-н-ролла Уорхал займаўся ў 1963 годзе. Упершыню ён быў выстаўлены ў адной з галерэй Лос-Анджэлеса. Партрэт Марлона Брандо з'явіўся ў 1966-м. Вядомы акцёр паўстае на ім у вобразе галоўнага героя кінастужкі Дзікун. Як вядома, Уорхалу гэты фільм вельмі падабаўся.
