Алексіс Ціпрас сустрэўся з прэзідэнтам Расіі Уладзімірам Пуціным у Маскве

У Маскве адбылася сустрэча грэчаскага прэм'ера Алексіса Ціпраса з прэзідэнтам Расіі Уладзімірам Пуціным. Бакі абмеркавалі меры па павелічэнні тавараабароту паміж краінамі - за апошні год ён упаў амаль у два разы. У той жа час шэраг еўрапейскіх СМІ паведамляе, што Пуцін і Ціпрас маглі гаварыць і аб здыманні эмбарга на пастаўкі садавіны з Грэцыі ў Расію ў абыход санкцый. Паездка грэчаскага прэм'ера ў Маскву выклікала незадаволенасць Бруселя. Дарэчы, у рамках візіту Алексіс Ціпрас усклаў вянок да Магілы Невядомага Салдата. Палітык падкрэсліў, што Грэцыя панесла вялікія страты падчас Другой сусветнай вайны. Напярэдадні Афіны запатрабавалі ад Берліна 278 мільярдаў еўра рэпарацый за шкоду за час нацысцкай акупацыі.