Пасля першага дня супрацьстаяння Беларусь - Партугалія парытэт! Зборныя сустракаюцца ў сталічным Палацы тэніса ў рамках першай Еўра-Афрыканскай групы Кубка Дэвіса. У стартавым матчы Ілья Івашка саступіў Жуану Соўзу ў трох сэтах 6:4, 1:6, 2:6. Рэванш удалося ўзяць першай ракетцы Беларусі Ягору Герасімаву. Ён практычна не пакінуў шанцаў Жуану Дамінгешу. Амаль за гадзіну беларус справіўся з апанентам - 6:2, 6:3. Пераможца пары вызначыцца заўтра.
А першая ракетка жаночай зборнай - Арына Сабаленка - у гэтыя хвіліны змагаецца за выхад у паўфінал турніру ў кітайскім Чжэнчжоу. Саперніца нашай тэнісісткі - 23-ая ракетка свету харватка Петра Марціч. Менавіта яна ў напружанай барацьбе выйграла першы сэт - 7:5, але ў другой партыі з такім жа лікам мацнейшай была ўжо наша тэнісістка. Зараз ідзе вырашальная партыя. Прамую трансляцыю вядзе тэлеканал "Беларусь 5".
Зборная Беларусі зраўнавала лік у супрацьстаянні з Партугаліяй
13 сентября 2019