У Смаргоні і Барысаве стартуе пяты тур чэмпіянату Беларусі па футболу. Каманда "Смаргонь" паказала не лепшы пачатак сезона на старце чэмпіянату на выездзе, пацярпеўшы два буйныя паражэнні ад сталічнага і брэсцкага "Дынама". "Мядзведзі" змаглі здабыць 4 ачкі ў матчах з "Мінскам" і "Нафтанам" і сёння нацэлены парадаваць сваіх балельшчыкаў перамогай і дома, прымаючы гасцей з "Гомеля". Стартавы свісток сустрэчы прагучыць у 17:00. Значна пазней, у завяршэнні футбольнага дня, БАТЭ пастараецца перапыніць двухматчавую серыю паражэнняў і пры родных трыбунах абгуляць магілёўскі "Днепр". Прамую трансляцыю гэтай сустрэчы пакажа тэлеканал "Беларусь 5". Пачатак у 19:30.
