Беларусь прапануе Яраслаўскай вобласці свой удзел у інфраструктурных праектах і дзяржпраграмах. Пра гэта сёння заявіў Прэзідэнт Аляксандр Лукашэнка на сустрэчы з губернатарам расійскага рэгіёна.
Дзмітрый Міронаў у Беларусі ўпершыню. Афіцыйна на пасадзе губернатара ён крыху больш за паўгода, да гэтага часова выконваў абавязкі. Яшчэ да візіту ў Палац Незалежнасці літаральна напярэдадні яму ўдалося асабіста пазнаёміцца з беларускім Прэзідэнтам. Як і Аляксандр Лукашэнка, Дзмітрый Міронаў вялікі аматар хакея. У таварыскім матчы на "Чыжоўка-Арэне" каманда Прэзідэнта Беларусі згуляла з ветэранамі яраслаўскага хакея і атрымала ўпэўненую перамогу, 9-7. А ўжо сёння ў Палацы Незалежнасці адбылася вялікая размова аб эканамічных перамогах. Па структуры рэгіён шмат у чым падобны на Беларусь. Заўсёды быў важным гандлёвым партнёрам. Лічба ўзаемнага гандлю перавышае супрацоўніцтва з шэрагам нашых замежных партнёраў - больш за 350 мільёнаў долараў за мінулы год.
Гіганты беларускага аўтапрама актыўна развіваюць дзелавыя кантакты з вытворцамі яраслаўскіх рухавікоў. Створаны і тэхналагічныя ланцужкі ў станкабудаванні, нафтахіміі. Беларусь прапануе новыя праекты ў прамысловай кааперацыі, свой удзел у інфраструктурных праектах, павелічэнні паставак пасажырскай, камунальнай тэхнікі і мяса-малочнай прадукцыі, якая ўжо даўно палюбілася не толькі ў сталіцы Залатога кальца.
