Дзясяткі тэм і пытанняў. Сотні журналістаў і медыяэкспертаў працягваюць абмяркоўваць "Вялікую размову з Прэзідэнтам".
Палітычныя рашэнні Беларусі - будучыня нашай эканомікі і краіны. На працягу больш як 7 гадзін Аляксандр Лукашэнка адказаў на ўсе пытанні, што цікавілі грамадскасць, якія, дарэчы, гучалі і ад замежных журналістаў. У цэлым жа дыялог атрымаўся не толькі адкрытым, але эмацыйным - спрэчкі аб эканоміцы, геапалітыцы і жыцці простых беларусаў. У прыватнасці, Прэзідэнт адзначыў, што дзяржава заўсёды гатова аказаць падтрымку, але і людзі павінны разумець - дабрабыт краіны залежыць ад кожнага.
Нагадаем, "Вялікая размова з Прэзідэнтам" адбылася 1 сакавіка ў комплексе "БелЭкспа". У такім фармаце дыялог з Аляксандрам Лукашэнкам праходзіў другі раз. Адным з галоўных дасягненняў сустрэчы эксперты называюць адкрытасць Кіраўніка дзяржавы падчас адказаў і агульную атмасферу даверу. Самыя цікавыя і важныя моманты " Вялікай размовы з Прэзідэнтам" увойдуць у выніковую праграму "Галоўны эфір". Глядзіце сёння ў 9 вечара.
