Заўтра Аляксандр Лукашэнка сустрэнецца з прэзідэнтам Кубы. Мігель Марыа Дыяс-Канель Бермудэс прыбудзе да нас з афіцыйным візітам. Пройдзе некалькі раўндаў перамоў, на якіх абмяркуюць актуальныя пытанні двухбаковага і міжнароднага парадку дня, вызначаць перспектыўныя кірункі для далейшага супрацоўніцтва. Асаблівая ўвага - гандлю і эканоміцы, у прыватнасці, пытанням рэалізацыі сумесных праектаў у галіне прамысловасці, сельскай гаспадаркі, фармацэўтыкі, інфармацыйных тэхналогій. Па выніках будзе падпісаны пакет міжнародных дакументаў.
