Дэлегацыя з Расіі прыбыла ў нашу краіну напярэдадні, каб азначыць напрамкі супрацоўніцтва на найбліжэйшыя гады. У 2012-ым тавараабарот паміж Беларуссю і Бранскай вобласцю павялічыўся на 41% і склаў больш чым 870 мільёнаў долараў. Напярэдадні госці дамовіліся аб узаемадзеянні з Гомельскай вобласцю. Сённяшні дзень дэлегацыі з Расіі пачаўся з памятнага мерапрыемства. Госці ўсклалі кветкі да абеліска на плошчы Перамогі, ушанаваўшы памяць загінуўшых у гады Вялікай Айчыннай вайны.
