Аб гэтым сёння заявіў Кіраўнік дзяржавы на сустрэчы з генеральным дырэктарам гэтай арганізацыі Ахметам Узюмджу. Беларусь застаецца прыхільнікам міжнароднай канвенцыі па забароне хімічнай зброі. Таму наша краіна зацікаўлена адкрыць на сваёй тэрыторыі рэгіянальнае аддзяленне арганізацыі, і стварыць усе ўмовы для яе працы.
Арганізацыя па забароне хімічнай зброі існуе ўжо 17 гадоў. Сёння ў яе ўваходзяць 190 краін. Беларусь сярод першых падпісала і ратыфікавала Канвенцыю аб забароне хімічнай зброі. Летась, за знішчэнне запасаў хімічнай зброі ў Сірыі, гендырэктару Арганізацыі ўручылі Нобелеўскую прэмію свету.
І сёння з высокім госцем сустрэўся міністр замежных спраў нашай краіны Уладзімір Макей. Усе ініцыятывы Беларусі знаходзяць падтрымку ў дадзенай Арганізацыі. Бакі не абышлі ўвагай і сітуацыю ў Сірыі. Каля 92% хімзброі, якая знаходзілася на тэрыторыі краіны, адгружана на два караблі (нарвежскі і дацкі) і гатова для вывазу. Непасрэдны ўдзел у працэсе хімраззбраення ў Сірыі прымала і Беларусь.
Кіраўнік Арганізацыі падкрэсліў, што місія па рашэнні пытанняў з хімічнай зброяй у Сірыі стала сур'ёзным выклікам. Працэс ліквідацыі там павінен быць завершаны ў чэрвені.
