ААЭ і Беларусь нарошчваюць узаемны гандаль

1 Лістапада 2019
Апорны пункт блізкаўсходняй эканомікі і фарпост беларускіх інтарэсаў у рэгіёне. Пачаўся візіт Прэзідэнта Беларусі ў Аб'яднаныя Арабскія Эміраты.

Візіт прэзідэнта Беларусі ў ААЭ

У наступныя дні  кантакты з кіраўніцтвам ААЭ і дзелавымі коламі   стануць працягам як шматгадовага сяброўства, так і добрай кааперацыі паміж дзвюма краінамі. Толькі  сёлета за сем месяцаў нагандлявалі на 55 мільёнаў долараў. Рост у параўнанні з мінулым  годам амаль на траціну. Узаемная эканоміка, гандаль і інвестыцыі,   вядома,  далёкія ад пастаянства, але набіраем добры тэмп, тым больш што ёсць палітычная воля двух бакоў. Гэта, упэўнены эксперты, і паслужыць каталізатарам добрага росту фінансавых паказчыкаў. Наша краіна падтрымлівае трывалыя адносіны з кіраўніцтвам ААЭ.

Так, у 2017 годзе Аляксандр Лукашэнка падчас візіту   правёў шэраг афіцыйных сустрэч з прадстаўнікамі Эміратаў. А ў верасні   Мінск   упершыню прымаў з візітам спадчыннага прынца Абу-Дабі шэйха   Мухамеда бен Заіда аль Нахаяна. Тады па выніках сустрэчы   наконт многага дамовіліся. Пра гэта падчас зносін з журналістамі   на тыдні   гаварыў і Прэзідэнт Аляксандр Лукашэнка.

А. Лукашэнка: Мы наладзілі добрыя адносіны з ААЭ

Эміраты маюць намер не толькі пашыраць інвестыцыйны партфель у Беларусі, але і развіваць узаемны гандаль. Мінск прадае  Абу-Дабі трактары і розную сыравіну. У зваротным напрамку ідзе прадукцыя хімічнай прамысловасці. Тым больш што ўзаемная цікавасць   вельмі шырокая. Таксама моцнае ўзаемадзеянне магчыма і па лініі папулярызацыі  нашых тавараў і паслуг. Эміраты могуць выступіць пасрэднікам   для развіцця беларускага экспарту на рынках іншых краін Блізкага Усходу. Зараз гэта асабліва актуальна, бо ўжо ў наступным годзе   Дубай   прыме сусветную выставу "Экспо-2020". Вялікі нацыянальны павільён падрыхтуе і наша краіна.