Прэзідэнт Рэспублікі Беларусь Аляксандр Лукашэнка павіншаваў галоўнага дырыжора Нацыянальнага акадэмічнага народнага аркестра Беларусі імя І.Жыновіча Беларускай дзяржаўнай ордэна Працоўнага Чырвонага Сцяга філармоніі народнага артыста Беларусі Міхаіла Казінца з 75-годдзем.
Прысвяціўшы жыццё самаадданаму творчаму служэнню, Вы ўнеслі значны ўклад у развіццё беларускага музычнага мастацтва, захаванне і ўзбагачэнне традыцый выканальніцтва на народных інструментах. Пад Вашым кіраўніцтвам Нацыянальны акадэмічны народны аркестр Рэспублікі Беларусь імя І.Жыновіча ператварыўся ў адзін з самых знакамітых калектываў краіны, заваяваў міжнародную папулярнасць і прызнанне, - гаворыцца ў віншаванні.
Упэўнены, што Вы яшчэ доўгія гады будзеце радаваць шматлікіх прыхільнікаў узлётам сваёй творчай фантазіі, талентам і дырыжорскім майстэрствам, ствараць цікавыя канцэртныя праграмы, якія праславяць нашу народную музыку ва ўсім свеце, - падкрэсліў Кіраўнік дзяржавы.