Два дні, стаўшы эпіцэнтрам інтэграцыйных ператварэнняў на постсавецкай прасторы, Мінск жыў вялікай палітыкай. Беларусь на правах старшыні ў СНД прымала два найбуйнейшыя саміты - Вышэйшы еўразійскі эканамічны савет і саміт кіраўнікоў дзяржаў Садружнасці, які завяршыўся сёння.
Як адзначыў Кіраўнік беларускай дзяржавы, за час старшынства наша краіна выканала ўсе абавязацельствы і рэалізавала план канкрэтных мерапрыемстваў, накіраваных на інтэграцыю на карысць чалавека. Высокія госці асабліва падкрэслілі выдатную падрыхтоўку саміту беларускім бокам. Канструктывізм, прагматызм і канкрэтыка - такіх падыходаў заўсёды прытрымлівалася Беларусь. І гэтым разам вынікі двухдзённай працы ў Мінску экспертная супольнасць ужо ацаніла як прадукцыйныя, а цэлы шэраг прынятых рашэнняў назвала гістарычнымі. Сустрэчы на вышэйшым узроўні пацвердзілі зацікаўленасць лідараў рэспублік постсавецкай прасторы ў інтэграцыі. У Беларусі нейкая асаблівая атмасфера цяпла і гасціннасці, адзначалі ў кулуарах замежныя карэспандэнты. Можа таму так лёгка па-дзелавому і галоўнае дзейсна прайшлі два найбуйнейшыя мерапрыемствы. Бакі гатовыя шукаць не толькі новыя магчымасці для партнёрства, але і кампрамісы для пераадолення любых бар'ераў. Кіраўнікі дзяржаў Садружнасці не ўтойвалі сваё захапленне і новым сімвалам беларускай дзяржаўнасці - Палацам Незалежнасці. Па-добраму зайздросцячы свайму беларускаму калегу, яны адзначылі: беларусы ўмеюць будаваць. Замест 57 месяцаў Палац быў пабудаваны за кароткіх 29. І па камфорце ў працы не саступае лепшым сусветным аналагам. Як даніна павагі і як памяць лідары дзяржаў пасадзілі ля новага сімвала незалежнай Беларусі алею ганаровых гасцей. Ілона Красуцкая пра сённяшні дзень вялікай палітыкі ў Мінску.
У беларускую сталіцу ганаровыя госці саміту пачалі прыбываць напярэдадні. А ўжо сёння апоўдні ўсе разам кіраўнікі дзяржаў СНД сустрэліся ў Палацы Незалежнасці. У такі значны момант усё па правілах цырыманіялу. Ля Палаца - рота ганаровай варты і чырвоная дарожка. Палітычных лідараў Кіраўнік дзяржавы Аляксандр Лукашэнка сустракае асабіста. Разглядаючы ўбранне новага Палаца, госці не ўтойвалі захапленне і цікавасці. Мяркуючы па водзывах, гэта наглядны прыклад наколькі хутка, а галоўнае якасна могуць спраўляцца з любой задачай беларускія будаўнікі. Палац - гэта пляцоўка, дзе зараз будуць праходзіць усе знакавыя падзеі.
Першыя заявы кіраўнікоў дзяржаў гучаць падчас сустрэчы ў вузкім фармаце. Асноўная думка: перамяншаць значэнне СНД нельга, але ў той жа час ёй не абысціся без новага імпульсу. І тут поспех залежыць толькі ад агульных намаганняў. Так, Аляксандр Лукашэнка заклікаў партнёраў распрацаваць дадатковыя механізмы па нарошчванні эканамічнага ўзаемадзеяння. У тым ліку беларускі лідар заявіў аб неабходнасці ўзмацніць каардынацыю дзейнасці на міжнароднай арэне.
Беларусь пацвердзіла статус актыўнага старшыні ў СНД. На правах гаспадыні (пад дэвізам інтэграцыя на карысць чалавека) наша краіна ініцыявала больш за 70 мерапрыемстваў. Тут гаворка ідзе аб эканамічным партнёрстве, бяспекі і пашырэнні міжрэгіянальнага супрацоўніцтва. І першыя ацэнкі праробленай працы кіраўнікі дзяржаў агучылі ў самым пачатку перамоў.
Далей кіраўнікі дзяржаў правялі перамовы ў пашыраным фармаце. Цяперашні саміт - час падвядзення вынікаў старшынства Беларусі ў СНД. У заяве, якую падпісаў Аляксандр Лукашэнка, гаворыцца, што Беларусь з аптымізмам глядзіць у будучыню Садружнасці. Перад краінамі стаяць складаныя і высакародныя задачы - стварэнне канкурэнтаздольнай эканомікі, павышэнне ўзроўню жыцця людзей.
На парадку дня саміту значылася 14 пунктаў. У прыватнасці, Прэзідэнтам прапанавалі зацвердзіць праграмы па барацьбе з тэрарызмам, наркатрафікам, гандлем людзьмі. Бакі маюць намер разам змагацца з карупцыяй і злачынствам у сферы інфармацыйных тэхналогій. Яшчэ адзін кірунак - развіццё гуманітарнага супрацоўніцтва. 2015 у Садружнасці стане Годам ветэранаў. Вынікі цяперашняга саміту кіраўнікі дзяржаў падвялі падчас брыфінгу.
Працу Беларусі па падрыхтоўцы саміту назвалі добрым прыкладам для пераймання. Зараз усё гэта трэба будзе паўтарыць Украіне. Старшынства ў СНД пераходзіць да яе.
