На тыдні ў Беларусі афіцыйна пачалася парламенцкая кампанія

Цэнтрвыбаркам краіны зацвердзіў каляндарны план электаральнай гонкі. У ім сярод іншага прапісаныя даты пачатку рэгістрацыі ініцыятыўных груп і кандыдатаў на дэпутацкі мандат. 

Так, па другое верасня завершыцца ўтварэнне акруговых выбарчых камісій. Зацверджаны і бюджэт выбараў у Палату прадстаўнікоў і Савет Рэспублікі - гэта прыкладна 23 мільёны рублёў. Калі параўноўваць з мінулай кампаніяй, зараз сума большая, і гэта звязана з ростам сярэдняй зарплаты па краіне. Накіруе Беларусь запрашэнні міжнародным назіральнікам.

Дададзім, што паводле ўказа Прэзідэнта выбары ў парламент пройдуць на два этапы: 7 лістапада - у верхнюю палату (Савет Рэспублікі), а 17 лістапада - у ніжнюю (Палату прадстаўнікоў). Для многіх дзеючых дэпутатаў і тым больш для тых, хто ўпершыню балатуецца, выбарчая кампанія - сур'ёзнае выпрабаванне. 

Мала прыгожых слоў і абяцанняў - неабходныя справы. Асабліва гэта датычыцца невялікіх населеных пунктаў і абласных цэнтраў: там рашэнні дэпутатаў прыкметныя як нідзе. Таму і дыялог народных выбраннікаў з народам зараз асабліва важны.