Беларускія ініцыятывы прагучалі з трыбуны ААН

ААН павінна стаць практычным інструментам для рашэння спрэчак без насілля і вайны. Пра гэта заявіў міністр замежных спраў Беларусі, калі выступаў з трыбуны Генеральнай асамблеі ААН. Мінск перакананы, што дзейнасць арганізацыі, якая сёння з'яўляецца ўнікальным сусветным дыскусійным форумам, як і раней, павінна быць накіраваная на ўмацаванне міждзяржаўнай сістэмы адносін. Уладзімір Макей заклікаў паставіць кропку ў халоднай вайне, якая ў свой час не завяршылася прыняццем мірнай дамовы, што выклікала глабальную палітычную нестабільнасць у свеце. Нагадаем, неаднаразова з ініцыятывай правядзення новага перагаворнага працэсу па аналогіі з Хельсінкскім выступаў Прэзідэнт Беларусі. Пляцоўкай для дыялогу, першым чынам ключавых гульцоў, такіх як Кітай, Расія, ЗША і дзяржавы Еўрапейскага саюза, мог бы стаць Мінск. Таксама з трыбуны ААН кіраўнік знешнепалітычнага ведамства заявіў, што глабалізацыя павінна садзейнічаць эканамічнаму развіццю на планеце. А зрабіць яе больш справядлівай можна за кошт інтэграцыі інтэграцый - узаемадзеяння рэгіянальных працэсаў.