Першапачаткова падаваць дакументы можна было толькі да 20 жніўня, але на многія тэхнічныя спецыяльнасці не набіралася патрэбнай колькасці навучэнцаў. Чаму рабочыя спецыяльнасці не карыстаюцца папулярнасцю, і якія шляхі развіцця прапаноўвае Міністэрства адукацыі?
Рэпартаж Дзмітрыя Цітова. Прыём дакументаў на базе прафесійна-тэхнічнай адукацыі завяршыўся яшчэ 20 жніўня. Але на некаторыя спецыяльнасці назіраецца недабор. Напрыклад, спецыяльнасць фрэзероўшчык.
Плануецца, што да 15 верасня ў гэтым цэху спасцігаць прафесію будуць ужо за ўсімі станкамі - да гэтай даты падоўжылі тэрмін падачы дакументаў. Заяў на паступленне сталі прыносіць больш. Але зараз поўная аўдыторыя ў гэтым ліцэі толькі толькі ў слесараў па рамонце аўтамабіляў, на астатнія чатыры спецыяльнасці недабор. Намесніку дырэктара ліцэя па выхаваўчай рабоце прычыны зразумелыя.
Сёння працягваюць прыём заяў каля 63 працэнтаў прафесійна-тэхнічных устаноў. Гэта амаль 130 навучальных устаноў па ўсёй рэспубліцы, звязаных з будаўніцтвам, лёгкай прамысловасцю, сельскай гаспадаркай і машынабудаваннем. На рабочыя спецыяльнасці адчыненыя ўсе дзверы, але нямногія ў іх стукаюцца.
Зрэшты, студэнты ліцэяў і каледжаў паступаюць з перспектывай як для заробку, так і для прафесійнай кар'еры.
Таццяна Арцем'ева, галоўны інспектар упраўлення прафесійна-тэхнічнай адукацыі Міністэрства адукацыі Беларусі: Атрымаць вышэйшую адукацыю можна, ідучы па прыступках: прафесійна-тэхнічная адукацыя, сярэдняя спецыяльная і ўрэшце вышэйшая, і быць высакакласным спецыялістам.
