Сёння падвялі вынікі ХХХ Міжнароднага фестывалю мастацтваў "Славянскі базар у Віцебску". Ацанілі работу ўсіх задзейнічаных службаў, інфраструктуру фестывалю. "Славянскі базар" ужо даўно выйшаў далёка за межы канцэртных рамак. Па сутнасці, увесь горад у ліпені ператвараецца ў глабальнае палатно для творчага самавыяўлення.
Сёлета на 27 пляцоўках адбылося больш за 150 мерапрыемстваў. У Віцебск прыехалі прадстаўнікі 32 краін. Задача аргкамітэта на бягучы перыяд - распрацаваць комплексны план падрыхтоўкі да новага фестывальнага сезона. Захаваць аблічча шматгадовага брэнда - традыцыі, пераемнасць і, вядома, гасціннасць беларускага народа. Намеснік прэм'ер-міністра назваў і прыблізныя даты правядзення фестывалю ў 2022 годзе - з 14 па 17 ліпеня.
Вялікая ўвага будзе надавацца правядзенню музычных конкурсаў маладых выканаўцаў і дзяцей. Свежы імпульс атрымае праект "Саюзная дзяржава запрашае", адкрыюць новыя імёны на канцэрце беларускіх майстроў мастацтваў. Акрамя таго, яшчэ больш дэталёвым стане адбор кандыдатур на атрыманне спецыяльнай узнагароды Прэзідэнта "Праз мастацтва да міру і ўзаемаразумення".
