Жалезнае стрыт-мастацтва, што дадае турыстычнай прывабнасці і нацыянальнай самабытнасці Беларусі. Майстар з Фаніпаля Уладзімір Канонік стварае брутальныя арт-аб'екты ў стылі стымпанк. 15 гадоў таму мастак па адукацыі пачаў збіраць з арматуры, нержавеючай сталі, аўтамабільных дэталяў аўтарскія шэдэўры паводле казак і легенд. Зараз у калекцыі больш за 60 непаўторных работ. Сярод навінак - стылізаваны бензавоз, выкананы па матывах папулярнага мультфільма. Па маршруце з жалезнымі інсталяцыямі адправілася і здымачная група АТН.
Скульптар зрабіў аўтарскі апгрэйд дабрадушнаму персанажу з папулярнага мультфільма. Беларускі прататып гатовы, стылізаваны міні-бензавоз адпраўляецца, праўда, не сваім ходам, ужо на рэальным аўто ў Слуцк. Інсталяцыя інтэрактыўная са светлавым і музычным суправаджэннем. Яшчэ адзін каларытны акцэнт на гасцінным шляху па Мінскай вобласці.
Мастак па адукацыі Уладзімір Канонік здольны разгледзець прыгажосць нават у звычайным металаломе. Арматуру і аўтадэталі не адпраўляе ва ўтыль. 15 гадоў стварае брутальныя жалезныя інсталяцыі і натхняе землякоў з Фаніпаля на зварачнае мастацтва.
Зараз Уладзімір Канонік з камандай працуюць адразу над некалькімі арт-аб'ектамі для розных раёнаў Мінскай вобласці. Ледзь бачны абрысы гэтага жалезнага каня для Старых Дарог. І ўжо амаль гатовая стылізаваная скульптура з арэлямі.
Аўтарскі почырк фаніпальскага майстра можна ўбачыць па ўсёй Беларусі - ад Браслава да Брэста.
Жалезнае партфоліа майстра - больш за 60 непаўторных інсталяцый паводле казак, легенд і паданняў. Іх усталёўваюць як у гарадах, так і ў вёсках. Металічныя скульптуры гарманічна дапаўняюць экастыль паркаў і сквераў, а таксама дадаюць суровасці аўтазапраўкам уздоўж магістраляў. Сярод новых арт-аб’ектаў, якія нядаўна выйшлі з майстэрні, гіганцкі кот (безумоўна, у металле).
Паралельна з простымі сюжэтамі і дзіцячымі героямі душа майстра патрабавала тэм з глыбокім сакральным значэннем. Уладзімір Канонік стаў аздабляць хрысціянскія святыні ў Беларусі і Расіі.
З гэтым напрамкам прыйшлі ў майстэрню і натуральныя матэрыялы - дрэва і прыродны камень. А яшчэ рашучасць спасцігаць новыя тэхналогіі. Уладзімір Канонік упершыню ў Беларусі выкарыстаў свінец для будаўніцтва даху і купалаў у царкве, што ў Раўбічах. Матэрыял хоць і танны, але незвычайны для культавых пабудоў, у залежнасці ад надвор'я можа мяняць адценне.
