Уладзімір Кухараў: Сітуацыя па пітным водазабеспячэнні ў Мінску знаходзіцца на пастаянным кантролі Прэзідэнта

Яшчэ адна важная тэма, аб якой гаварыў Прэзідэнт, - няякасная вада. На тыдні яна апынулася ў трубаправодзе асобных раёнаў сталіцы.

Жыхары Мінска, у чыіх кватэрах былі такія праблемы, не будуць плаціць за ваду за чэрвень. Такое распараджэнне чыноўнікам даў Кіраўнік дзяржавы. На сёння праблема ліквідаваная - ваду можна выкарыстоўваць і для бытавых патрэб, і ў ежу. 

Маніторынг за яе якасцю будзе працягвацца яшчэ некалькі дзён. На кантролі - і наяўнасць пітнай вады ў магазінах. Усе гандлёвыя пункты ёю забяспечаныя, ажыятажу і чэргаў няма.

Уладзімір Кухараў, намеснік прэм'ер-міністра Беларусі: "Сітуацыя па пітным водазабеспячэнні ў Мінску знаходзіцца на пастаянным кантролі Прэзідэнта. Паводле яго даручэння ўрадам прынята рашэнне па вызваленні ад выплаты за паслугу водазабеспячэння за чэрвень жыхароў Мінска, у кватэры якіх паступала вада, што не адпавядае спажывецкім якасцям. Падрабязная інфармацыя аб тым, як менавіта будзе зроблены пераразлік, з'явіцца пазней - механізм распрацоўваецца".