У радзільным доме 5-й гарадской клінічнай бальніцы павіншавалі мінчанак, якія сталі матулямі ў дзень нараджэння Заводскага раёна. 17 сакавіка там на свет з'явіліся 6 немаўлят: 3 хлопчыкі і 3 дзяўчынкі. Жанчынам уручылі падарункі і кветкі, прагучала музычнае віншаванне. Мерапрыемства прайшло ў межах акцыі "Белая Русь з любоўю да дзяцей!". Яна праводзіцца з 2009 года. Традыцыйна таксама віншуюць матуль, якія нарадзілі дзяцей у Дзень горада і Дзень Незалежнасці.
Радзільны дом 5-й гарадской клінічнай бальніцы штогод прымае каля 5 тыс. родаў. Тут створаны максімальна камфортныя ўмовы знаходжання для мам і малышоў. Аснашчэнне клінікі дазваляе забяспечваць меддапамогу на высокім узроўні.
