"Запусці сэрца" - унікальны адукацыйны праект стартаваў у Беларусі. У ім возьмуць удзел больш як 20 тысяч дзесяцікласнікаў з усіх рэгіёнаў краіны. Ва ўстановах адукацыі дзеці падчас дапрызыўнай медпадрыхтоўкі вывучаюць асновы аказання першай дапамогі. Праграма распрацаваная міністэрствамі адукацыі і аховы здароўя. Вялікі ўпор - на практычную частку. Для гэтага створана больш як 300 пляцовак, абсталяваных сучасным абсталяваннем і манекенамі. Каб навучыць школьнікаў базавым навыкам аказання першай дапамогі, дапамагаюць спецыялісты.
Заняткі ў рамках праекта "Запусці сэрца" будуць праходзіць кожную суботу да сярэдзіны мая.
