Яны ствараюць інавацыйныя прадукты ўсяго за двое сутак. У Парку высокіх тэхналогій прайшла маштабная падзея пад эгідай сусветна вядомай аэракасмічнай карпарацыі НАСА. Хакатон праходзіць у 160-ці краінах па ўсёй планеце. Удзельнікі за кароткі прамежак часу павінны прадставіць інавацыйныя распрацоўкі для касмічнай галіны.
Лепшыя праекты вывучыў і Дзмітрый Цітоў. Маштабная падзея прайшла ў беларускім Парку высокіх тэхналогій. Пад эгідай сусветна вядомага НАСА - амерыканскага аэракасмічнага агенцтва - на працягу 48 гадзін вырашаліся практычныя задачы касмічнай галіны.
У першы дзень хакатона ўдзельнікі толькі толькі прыглядаюцца адзін да аднаго і шукаюць людзей па інтарэсах. Так, па выніку ў адной камандзе могуць апынуцца людзі з розных прафесій: праграмісты, эколагі, працаўнікі планетарыя і проста людзі, неабыякавыя да космасу.
Тут ствараюць касмічныя прадукты ўсяго за двое сутак. Бізнес-інкубатар Парка высокіх тэхналогій на час становіцца другім домам для ўдзельнікаў хакатона NASA. Сотні энтузіястаў за адзін вечар аб'ядноўваюцца ў каманды. Так, дзякуючы сімбіёзу праграміста, астранома і піяр-менеджара ствараецца альтэрнатыва "Вікіпедыі" і першая сацыяльная сетка для навукоўцаў, касманаўтаў і проста аматараў.
Галоўная тэма хакатона NASA сёлета - планета Зямля, але з не менш касмічнымі задачамі. Удзельнікам прапанавалі на выбар пяць тэм. Напрыклад, як палепшыць экалогію Зямлі, назіраючы за планетай з космасу, або дасягнуць самых далёкіх прастораў Сусвету, не выходзячы з офіса.
Энтузіясты вырашаюць адну з самых складаных задач у касманаўтыцы і авіяцыі. З дапамогай мабільнага дадатку яны плануюць дзяліцца інфармацыяй аб радыяцыйным фоне. Гэтыя звесткі будуць карысныя як касманаўтам, пілотам грамадзянскай авіяцыі, так і пасажырам самалётаў і нават касмічным турыстам.
НАСА - амерыканская аэракасмічная карпарацыя. Вядомая місіяй на Месяц, Спэйс шатламі і глабальнымі даследаваннямі планет. З апошняга - новыя фатаграфіі Сатурна зондам "Касіні" з рэкордна кароткай дыстанцыі. Самы глабальны на планеце хакатон NASA праходзіць больш чым у 160-ці краінах свету.
Пераможцам хакатона стала каманда GEOGENE. Распрацоўшчыкі прапанавалі адсочваць любы від жывёл, раслін і нават мікраарганізмаў на нашай планеце. У будучыні на іх сервісе можна будзе даведацца інфармацыю і аб іншых планетах. Напрыклад, што ўтойваецца ў нетрах Марса?
За 48 гадзін працы ў Парку высокіх тэхналогій былі створаны дзясяткі касмічных праектаў. Над імі працавалі прадстаўнікі 20-ці розных прафесій. Ад праграмістаў і дызайнераў да астраномаў і біёлагаў. Практыка паказала - укараніць тэхналогіі сёння можна практычна ў любую галіну.
