Робазаезды на кароткія і доўгія дыстанцыі, робасумо і перамяшчэнні разумных машын па лініі. У Мінску сёння праходзіць абласны турнір па робататэхніцы - этап аднаго з самых буйных тэхнафорумаў у краіне. Свае лепшыя канцэптуальныя распрацоўкі прывезлі больш за чатыры сотні школьнікаў з розных куткоў краіны.
Робаты спаборнічаюць у васьмі намінацыях за карысныя прызы для сваіх стваральнікаў. Больш падрабязна Ілья Цвяткоў.
227 каманд і больш за 400 юных інжынераў, канструктараў і праграмістаў. І самае галоўнае - вельмі шмат разумных машын! У Мінску праходзіць абласны конкурс па робататэхніцы.
Канструктар, адвёрткі і амперметры, кіламетры праводкі, ноўтбукі і іншая тэхніка. Інжынерны хаос у руках прафесіяналаў ператвараецца ў разумных робатаў. Перад выхадам на рынг юнакі і дзяўчаты падкручваюць апошнія гайкі і карэкціруюць памылкі ў кодах.
Восем зон для спаборніцтваў, сярод якіх робазаезды на кароткія і доўгія дыстанцыі, робасумо і перамяшчэнні па лініі ідуць без перапынку. Удзельнікі турніру прыехалі на конкурс разам са сваімі настаўнікамі. Выкладчыкі даюць школьнікам карысныя парады падчас спарынгаў.
Па словах арганізатараў, распрацоўкі школьнікаў для такіх турніраў - добрая інвестыцыя ў будучыя праекты.
Пераможцы ў кожнай намінацыі атрымаюць карысныя прызы, дыпломы і кубкі. А лепшыя праекты прадэманструюць на фінальным этапе конкурсу - Мінскім робатурніры, які адбудзецца вясной.
У Мінску праходзіць абласны конкурс па робататэхніцы
6 декабря 2019