У Кітаі беларусы могуць знаходзіцца ў транзітнай зоне без візы

Кітай уключыў Беларусь у спіс краін, да якіх прымяняецца рэжым бязвізавага знаходжання пры транзіце ў трэція краіны міжнароднымі авіярэйсамі. Паводле інфармацыі, атрыманай па дыпламатычных каналах, рашэнне ўступіць у сілу з 1 лістапада. Замежныя грамадзяне, да якіх прымяняецца гэты рэжым бязвізавага транзіту, не павінны перавышаць усталяваны час знаходжання на тэрыторыі КНР і не могуць выязджаць за межы ўсталяванага раёна.