У фінале "Танкавага біятлона" выступяць каманды Беларусі, Расіі, Казахстана і Азербайджана

14 Жніўня 2019
Колер зялёны, дарожка трэцяя. У падмаскоўнай Кубінцы прайшла жараб'ёўка "Танкавага біятлона". Так, у фінале, выступяць чатыры каманды: Беларусь, Расія, Казахстан і Азербайджан. Нашай зборнай выпаў зялёны колер танка і трэцяя дарожка. Нагадаем, барацьба за прызавыя месцы адбудзецца на палігоне Алабіна 17 жніўня, у Дзень урачыстага закрыцця Армейскіх гульняў. Чатыры наймацнейшыя каманды будуць спаборнічаць у конкурсе "Эстафета", задача кожнай - на максімальнай хуткасці прайсці 4 кругі і паразіць мішэні рознага тыпу. У паўфінале беларусы прайшлі дыстанцыю другімі.

Таксама вайскоўцы даказалі, што ўмеюць не толькі спаборнічаць у хуткасці і меткасці. Падчас жараб'ёўкі адбыўся творчы конкурс. Каманды з 10 дзяржаў здзівілі сваімі вакальнымі і харэаграфічнымі здольнасцямі. Беларусы выканалі патрыятычную песню аб партызанах, каманда з В'етнама паказала танец "Крылы волі", а зборная М'янмы ўразіла гледачоў незвычайнай інтэрпрэтацыяй "Кацюшы".


Папулярныя

Рэкамендуемыя