У Беларусі выдадзены двухмільённы ключ электроннага лічбавага подпісу. ЭЛП дазваляе здзяйсняць юрыдычна значныя дзеянні дыстанцыйна. Гэта аналаг уласнаручнага подпісу ў лічбавым свеце. Беларусы такімі сродкамі актыўна карыстаюцца, улічваючы павелічэнне колькасці электронных сэрвісаў. Іх ужо больш як 560 на адзіным партале электронных паслуг.
Наступны этап - укараненне воблачнага ЭЛП, які не будзе патрабаваць ніякіх дадатковых прылад. Яго плануюць запусціць да канца 2025 года. Асноўныя крыптаграфічныя дакументы беларусаў будуць захоўвацца ў абароненым воблаку на дзяржаўным інфармацыйным рэсурсе. Атрымаць доступ можна будзе пры дапамозе спецыяльнага абароненага праграмнага забеспячэння, дадатка, устаноўленага на мабільны тэлефон або на стацыянарны камп'ютар.
