Удасканаліць сістэму адраснай падтрымкі на аплату камунальных паслуг плануецца сёлета. Наконт гэтага сёння заявіў першы намеснік міністра фінансаў Максім Ермаловіч. Нагадаем, зараз у краіне дзейнічае адзіны прынцып налічэння субсідый: гараджане трацяць на аплату жыллёва-камунальных паслуг больш за 20% сваіх даходаў, а жыхары сяла – больш за 15. Зараз плануецца замацаваць новыя механізмы падтрымкі і дадаткова аказваць фінансавую дапамогу асобным катэгорыям беларусаў незалежна ад іх расходаў.
Летась жыллёвымі субсідыямі для пакрыцця платы за камунальныя паслугі скарысталіся больш чым 2 тысячы сем'яў. Чакаецца, што сёлета атрымаць дапамогу зможа большая колькасць беларусаў. Дарэчы, узмацненне адраснай падтрымкі плацельшчыкаў - адна з умоў далейшай плённай працы Беларусі з Міжнародным валютным фондам.