"У нас сёння шчаслівы дзень у плане бяспекі і абароны" - менавіта так Прэзідэнт адрэагаваў на паспяховыя выпрабаванні новага ракетнага абсталявання "Паланэз". Гэта фактычна завяршальны этап дзяржаўных выпрабаванняў комплексу, які павінен паступіць на ўзбраенне беларускай арміі ў бягучым годзе. Характарыстыкі комплекс пацвердзіў цалкам і па далёкасці, і па дакладнасці стральбы. Нагадаем, распрацаваны айчыннымі інжынерамі ракетны комплекс перасягае замежных канкурэнтаў па далёкасці агню амаль удвая - 200 кіламетраў. Пускі прайшлі паспяхова, але вайсковыя выпрабаванні прадоўжацца. Гэта не толькі павышэнне патэнцыялу Узброеных сіл, але і ўзмацненне баявой моцы.
"Паланэз" закліканы дапоўніць ракетныя комплексы, якія стаяць на ўзбраенні беларускай арміі. Ракеты адной баявой машыны здольныя наносіць дакладныя ўдары па 8 цэлях адначасова, прычым адхіленне ад зададзеных каардынат на максімальнай дыстанцыі не перавышае 30 метраў. Дададзім, што ракеты комплексу непрыступныя для сучасных сродкаў выяўлення і паражэння.
