Захаваць памяць аб вязнях канцлагераў. Адзіны інтэрнэт-партал ствараюць у Беларусі. У Нацыянальным архіве ў Мінску прайшла цырымонія падпісання мемарандума аб запуску патрыятычнага праекту. У мерапрыемстве прынялі ўдзел сведкі тых страшных падзей з усёй краіны.
Праект "Вязні. Памяць: 1941-1945" - сумесная праца Беларускага фонду міру, Праваслаўнай царквы і Нацыянальнага архіва. У распрацоўцы інтэрнэт-партала "вязні.by" прымаюць удзел беларускія студэнты тэхнічных спецыяльнасцяў сумесна з расійскімі калегамі. Афіцыйны запуск плануецца да 80-годдзя Перамогі.
