Адвага, доблесць, мужнасць. Злёт ваенна-патрыятычных клубаў прайшоў у Заводскім раёне сталіцы. Свае навыкі прадэманстравалі тры буйныя раённыя аб'яднанні - клубы "Зубр", "Сталь" і "Фарпост". Школьнікі прайшлі праверку не толькі ведаў гісторыі, але і страявую, спартыўную падрыхтоўку. Таксама юных патрыётаў чакаў тэматычны квіз "Дарогамі памяці". Ваенна-патрыятычны злёт - праверка здольнасцяў удзельнікаў клуба, а таксама магчымасць знайсці сяброў у агульнай сферы.
На базе школ Мінска адчынена 16 ваенна-патрыятычных клубаў - у кожным раёне сталіцы. Больш за тысячу падлеткаў знаёмяцца з ваеннай гісторыяй, вывучаюць асновы курсу маладога байца.
