Ад першага штучнага спадарожніка Зямлі да самага вядомага касманаўта ў свеце. У Маскве адкрылася выстава "Арбіты дружбы", якая сабрала ўнікальныя прадметы гісторыі развіцця савецкай і беларуска-расійскай касманаўтыкі. Экспазіцыю пачалі калекцыянаваць яшчэ 40 год таму, і зараз паказаная толькі яе невялікая частка - аб касманаўтах з беларускімі каранямі. Напрыклад, тут можна ўбачыць маркі з выявай Пятра Клімука, Уладзіміра Кавалёнка і Алега Навіцкага, а таксама паштовыя канверты з іх аўтографамі, пячаці МКС, якія ставяць прама на касмічнай станцыі. Прапанаваныя і серыі марак, прысвечаных Гагарыну, Церашковай і Лявонаву. У СССР яны друкаваліся мільённымі тыражамі. А вось асоба заснавальніка пілатуемай касманаўтыкі доўга была засакрэчана. Партрэт Сяргея Каралёва на марках з'явіўся толькі пасля яго смерці, у 66-м годзе.
Выставу "Арбіты дружбы" адкрылі напярэдадні палёту экіпажа касмічнага карабля "Саюз МС-25", які запланаваны на 21 сакавіка. У яго саставе адразу два беларусы: камандзір, выхадзец Чэрвеня, лётчык-касманаўт Алег Навіцкі і наша суайчынніца Марына Васілеўская - першая жанчына суверэннай Беларусі, якая адправіцца ў космас. Дарэчы, у гэты палёт яны возьмуць з сабою на МКС маркі і канверты з выявамі Беларусі і Расіі. Акрамя таго, выставу плануюць паказаць у Мінску і на Байкануры.