Летапіс у лёсах і асобах. Калі гісторыю краіны пішуць людзі са сваімі характарамі, талентамі і памкненнямі. "БССР. Невядомая гісторыя". Белтэлерадыёкампанія сёння прапануе 4-серыйны фільм да 100-годдзя Савецкай Сацыялістычнай Рэспублікі. Здымкі праходзілі ў нашай краіне, у Расіі і Арменіі. На працягу чатырох месяцаў журналісты збіралі эксклюзіўныя матэрыялы, якія ўпершыню агучаць у эфіры. Такім чынам, першая серыя фільма "БССР. Невядомая гісторыя" сёння адразу пасля "Панарамы".
У аснове сюжэта дакументальнага серыяла баёпікі чатырох палітычных дзеячаў - Чарвякова, Жылуновіча, Мяснікова і Кнорына. Менавіта гэтыя людзі стаялі на чале стварэння БССР. Гэта не проста дакументальныя біяграфіі, гэта спроба паказаць палымяных рэвалюцыянераў з іншага боку - з памылкамі, слабасцямі і пачуццямі.
Ад Беларусі да Ерэвана. Тэленавела прэтэндуе на статус гістарычнай рэканструкцыі падзей. Максімальна набліжаны да сапраўдных і лакацыі, у якіх працавалі стваральнікі. Цэнтральныя эпізоды невядомай гісторыі БССР здымалі ў Купалаўскім тэатры. Менавіта гэтыя сцены сёння адзіныя сведкі першага Усебеларускага з'езду. Па канкрэтныя кадры здымачная група адправілася ў Смаленск. Менавіта там у зале абласной філармоніі і быў падпісаны маніфест аб стварэнні ССРБ.
У фільме выкарыстаны матэрыялы з Нацыянальнага архіва, а таксама дакументы, з якіх знялі грыф "Сакрэтна".
Здымачнай групе нават удалося запоўніць прабелы ў радаводах персанажаў. Стваральнікі фільма адшукалі сваякоў галоўных дзеючых герояў. Упершыню ў аб'ектыве тэлевізійнай камеры ўнучатая пляменніца Дзмітрыя Жылуновіча ў інтэрв'ю адкрыта раскажа пра знакамітага продка.
У фільме прынялі ўдзел не толькі прафесійныя акцёры. Паколькі жанр дакументальны, у першую чаргу імкнуліся да знешняга падабенства. Так, першага сакратара ЦК Кампартыі БССР Вільгельма Кнорына на экране ўвасобіў рэжысёр Белтэлерадыёкампаніі Дзмітрый Сасноў. Гістарычнага грыму ў стылі 20-ых аказалася недастаткова, дзеля ролі прыйшлося пайсці на ахвяры.
У аснове дакументальнага серыяла - каментарыі экспертаў, хранікальныя кадры і пастановачныя здымкі. Адным з рэжысёрскіх прыёмаў стала выкарыстанне тэатра ценяў.
4-серыйную тэленавелу адкрые фільм пра першага старшыню ўрада ССРБ Дзмітрыя Жылуновіча. Чаму Жылуновіч займаў сваю пасаду ўсяго месяц? Ці праўда, што ў парыве эмацыянальнасці ён згрызаў пазногці ў кроў?
Цыкл фільмаў "БССР. Невядомая гісторыя" глядзіце ў эфіры "Беларусь 1" з 8 па 11 студзеня.
