Тэлеграмы з выпадку гадавіны Хатынскай трагедыі паступаюць у адрас Прэзідэнта і беларускага народа з розных куткоў планеты.
З выпадку жалобнай даты Дзяржсакратар Саюзнай дзяржавы і Генеральны сакратар АДКБ накіравалі Аляксандру Лукашэнку ліста-звароты. "Зараз, як ніколі, важна памятаць аб уроках вайны і не дапусціць паўтору гэтай трагедыі" - заяўляюць Рыгор Рапота і Юрый Хачатураў.
Тэлеграмы з выпадку гадавіны Хатынскай трагедыі паступаюць у адрас Прэзідэнта і ўсяго беларускага народа з розных куткоў планеты. Палітыкі, партыі, грамадскія арганізацыі з Азіі, Еўропы, ЗША падзяляюць гора беларусаў і абяцаюць - Хатынь і ахвяра, якую прынёс беларускі народ, не будзе забытая.
Лідар чэшскіх камуністаў Войтэх Філіп выказаў у сваім лісце ўдзячнасць усім беларусам, якія аддалі жыццё дзеля свабоды еўрапейскіх народаў. Дарэчы, у чэхаў ёсць свая Хатынь - вёска Лідзіцэ. У 1942 карнікі расстралялі ў ёй усіх мужчын старэйшых за 15 гадоў.
"Беларуская Хатынь, чэшскі пасёлак Лідзіцэ, французская вёска Арадур і разня ў грэчаскім Дыстома будуць заўсёды нагадваць нам аб жорсткасці нацызму, такім сціплым чынам мы выказваем павагу ўсім людзям, якія паклалі свае жыцці на алтар нашай свабоды".
"Не дазволім забыць гераізм і ахвяры беларускага народа" - пішуць Прэзідэнту і беларусам венгерскія палітыкі.
"Фашысты жорстка помсцілі беларускаму народу, які абараняў сваю зямлю, свае дамы. Забівалі і нішчылі, прыносячы пакуты мільёнам. Мы не забудзем і не дазволім забыць гераізм і ахвяры беларускага народа".
У лісце з Германіі гаворыцца аб важнасці атрымання ўрокаў з мінулага. Аўтары тэлеграмы прыводзяць выказванне Аляксандра Лукашэнкі аб міралюбным характары беларусаў і непрыманні, якое жыхары нашай краіны адчуваюць да ўзброеных канфліктаў.
"Вельмі пазітыўным вопытам з'яўляецца здабыццё сяброўства паміж нашымі народамі і атрыманне ўрокаў з мінулага. Вы, Ваша Правасхадзіцельства, нядаўна зусім дакладна заявілі, што пасля таго трагічнага вопыту, які краіна вымушана была перажыць, у Беларусі сфарміравалася генетычнае непрыманне любога віду ўзброенага канфлікту, за выключэннем абароны ад знешняй агрэсіі. Мы цалкам гэта падтрымліваем!"
Пол Мур - прэзідэнт амерыканскай дабрачыннай арганізацыі "Сіціхоўп" - успамінае ў сваім звароце да Прэзідэнта, як наведаў Хатынь 17-гадовым хлопчыкам, прызнаецца, што толькі тады даведаўся пра каласальныя страты, панесеныя беларусамі ў гады Вялікай Айчыннай. Актывіст прызнаецца - званы Хатыні, сімвалізуючыя коміны спаленых хат, дагэтуль праследуюць яго ва ўспамінах.
"У 1990 г. ва ўзросце 17 гадоў я ўпершыню меў гонар наведаць мемарыяльны комплекс "Хатынь". Быў халодны і дажджлівы дзень, але ён назаўжды змяніў маё жыццё. На жаль, я нічога не ведаў пра вялізныя ахвяры і страты, якія панёс народ Беларусі, абараняючы свет ад фашысцкай агрэсіі".
Пра Хатынскую трагедыю памятаюць і яўрэі - народ, які прайшоў праз халакост. У тэлеграме на адрас Аляксандра Лукашэнкі прадстаўнікі гэтай нацыянальнасці, якія пражываюць у ЗША, паведамляюць, што заўсёды пры выпадку імкнуцца распавядаць грамадзянам Злучаных Штатаў аб трагедыі Хатыні і мужнасці беларусаў, праяўленай у гады вайны.
"Аддаючы даніну памяці ахвярам Хатыні, мы ўспамінаем пра тыя незлічоныя бедствы і гераічную мужнасць жыхароў Беларусі, праяўленую ў гады Вялікай Айчыннай вайны. Мы таксама распавядаем аб страшнай трагедыі Хатыні грамадзянам Амерыкі, робім усё, каб трагедыя, падобная Хатыні, ніколі не паўтарылася!"
