Пустазелле выцясняе іншыя расліны. Для корму жывёле ён таксама непрыдатны. Сёлета сумнік расце больш як на паўтары сотні гектараў цэнтральнага рэгіёна. Марына Мураўёва пабывала на акупаваных пустазеллем тэрыторыях і даведалася, чым яно небяспечна і як з ім змагацца.
10 гектараў чорных засохлых кустоў. Менавіта так пад Слуцкам выглядае сумнік канадскі пасля хімапрацоўкі. Хімікаты да некультурнай расліны тут прымянілі ў пачатку лета, каб зло-пустазелле за сезон не акупавала новыя плошчы. Кожнае суквецце дае да 20 тысяч насення і імкліва рассейваецца.
Сумнік канадскі вырастае да 2 метраў вышынёй. Вакол сябе пустазелле знішчае культурныя расліны, кветкі, ягады і грыбы. Сваё месца жыхарства, далей ад злой кветкі, мяняюць дробныя жывёлы і насякомыя.
Расліна аблюбавала вёскі і садовыя таварыствы недалёка ад сталіцы. Спрыяльныя для такой «прапіскі» ўмовы стварылі самі дачнікі. Жоўтым суквеццем сумніка ўпрыгожваюць клумбы, дэкарыруюць букеты. Зараз за такое садаводства пагражае штраф ад 5 соцень рублёў.
Верасень - самы спрыяльны месяц для распаўсюджвання сумніка. Менавіта ў гэты час жоўтыя суквецці выдаюць сябе, і ў сельсаветах пачынаецца залатая касьба.
Два гады таму некультурную расліну занеслі ў адзін спіс з баршчэўнікам. І ўжо сёлета яна стала адной з экалагічных праблем вобласці, супраць якой у наступным годзе ўвядуць асобны артыкул у бюджэце.