Мадэльны закон аб грамадзянскай абароне насельніцтва можа запрацаваць у СНД да 2020 годзе. Беларусь - асноўны распрацоўшчык дакумента. Аб узаемадзеянні сёння ў Мінску гавораць ратавальнікі краін АДКБ. Да іх далучыліся і прадстаўнікі Кітая. Спецыялісты адзначаюць, што стварэнне агульнай сістэмы спросціць міжведамасныя і міждзяржаўныя дзеянні ў выпадку надзвычайных сітуацый.
Віталь Навіцкі, афіцыйны прадстаўнік МНС Беларусі: "Два асноўныя кірункі: практыка, навуковыя распрацоўкі і іх укараненне ў жыццё, і агульныя рэчы, пераход яшчэ ад савецкай, добрай, эфектыўнай сістэмы грамадзянскай абароны да яшчэ больш лепшай, якаснай сістэмы грамадзянскай абароны. Гэтыя крокі мы робім разам, сінхронна. У тым ліку на канферэнцыі будзе прадстаўлены гэты беларускі мадэльны законапраект. Нам вельмі важная рэакцыя, водгукі ад нашых калег".
Талгат Нурмагамбетаў, намеснік старшыні Камітэта па надзвычайных сітуацыях МУС Казахстана: "Гэты закон мае права жыць, ён будзе, хутчэй за ўсё, запушчаны і распрацаваны з улікам менавіта тых момантаў, якія былі ў нашым праекце. Былі складанасці, непаразуменні, але мы гэта паспяхова прайшлі".
Акрамя таго, падчас канферэнцыі нашы ратавальнікі прадставілі найноўшыя беларускія распрацоўкі ў галіне абароны чалавека ад непалаючай прапіткі тканіны да аблегчанай формы супрацоўніка МНС.
