Памяншэнне светлавога дня і пагаршэнне надвор'я прыводзіць да павелічэння аварый на дарогах з удзелам пешаходаў. З гэтай пятніцы ДАІ па ўсёй краіне правядзе прафілактычную акцыю "Пешаход". Статыстыка паказвае, увосень парадку 70 % дарожных інцыдэнтаў здараюцца ў цемры. Пераход праезнай часткі ў неналежным месцы і з'яўленне ўначы без флікера - самыя частыя прычыны смяротных аварый. За 9 месяцаў года ў ДТЗ з удзелам пешаходаў загінулі 100 чалавек, траўміраваныя амаль 600.
За парушэнне правілаў дарожнага руху пешаходу пагражае штраф - да 90 рублёў за пераход у неналежным месцы, да 145 рублёў у стане алкагольнага ап'янення з парушэннем ПДР.
