Прэзідэнт: Сістэма адукацыі - стратэгічная галіна

Сістэма адукацыі не сфера паслуг, а найважнейшая стратэгічная галіна. З гэтых слоў Прэзідэнт пачаў сустрэчу з педагагічным актывам краіны, якая гэтымі хвілінамі праходзіць у Мінску. Аляксандр Лукашэнка акцэнтаваў увагу на тым, што настаўнікі першым чынам выхоўваюць грамадзян краіны і фарміруюць інтэлектуальную эліту грамадства. У Нацыянальны выставачны цэнтр "БелЭкспа" запрасілі тысячу чалавек з усёй Беларусі. 

Сустрэча ў такім фармаце яшчэ раз падкрэслівае асаблівую ролю выкладчыкаў і навуковай эліты. 2020 год асаблівы - ён завяршае пяцігодку, ствараецца зачын на будучыню. Так, адно з актуальных пытанняў - жыллё для маладых спецыялістаў. У будучай пяцігодцы, абяцае Прэзідэнт, будзе дасягнута стопрацэнтная забяспечанасць студэнтаў інтэрнатамі. Вырастуць і прыбыткі педагогаў.