Губернатар Мінскай вобласці правёў сёння прыём грамадзян у Дзяржынску. Як адзначыў Аляксандр Турчын, у найбліжэйшы час сталічныя гарады-спадарожнікі Фаніпаль і Дзяржынск папоўняцца новымі сацыяльна значнымі аб'ектамі. Мадэрнізуюць і іх інфраструктуру. Сярод праблемных пытанняў няякасная і несвоечасовая праца грамадскага транспарту, а таксама, напрыклад, адсутнасць камфортных умоў для гандлю на мясцовым рынку як для пакупнікоў, так і для прадаўцоў. Сярод тэм зямельныя пытанні і працаўладкаванне.
Закранулі сёння і такую праблемную тэму, як забеспячэнне вадой Фаніпаля. У горадзе ўстарэлі камунікацыі, з-за гэтага там перыядычна прарывае водаправод. З гэтага года пераложаць трубы, пачнуць будаваць новыя свідравіны і дадатковы рэзервуар з вадой.
