Ад інтэрнаў да ўрачоў

Расказвае Руслан Туркоў: Анастасія Дземеш з гэтага дня ўжо можа афіцыйна называць сябе ўрачом. Шэсць гадоў вучобы ва ўніверсітэце і год у статусе інтэрна, і вось яно самастойнае жыццё.
Новая паліклініка, ёй усяго тры гады, сучаснае абсталяванне, малады персанал і на ўваходзе альтэрнатыва знаёмай у літаральным сэнсе да болю рэгістратуры.
Вось такія інфармацыйныя тэрміналы абавязкова з'явяцца да канца года ў кожнай паліклініцы сталіцы. Працуюць яны па прынцыпе аднаго акна. Проста цісніце на кнопку і самастойна выбіраеце сабе і доктара, і той дзень, і гадзіну, калі вы хочаце з ім сустрэцца.
Ужо ў хуткім часе на экране гэтага тэрмінала з'явяцца новыя прозвішчы маладых урачоў. Траўматолаг, хірург, тэрапеўт і два стаматолагі з сённяшняга дня прымаюць наведвальнікаў.
Усяго сёння каля тысячы выпускнікоў медыцынскіх універсітэтаў і каледжаў пачалі працу ў медустановах Мінска. З іх амаль палова па размеркаванні. Большасць маладых спецыялістаў будзе працаваць ва ўстановах амбулаторна-паліклінічнага звяна, да якога належыць і служба 103.