Развіццё паўднёва-ўсходняга рэгіёна Магілёўскай вобласці
На гэта накіраваны і ўказ Прэзідэнта "Аб мерах па развіцці паўднёва-ўсходняга рэгіёна Магілёўскай вобласці", які Кіраўнік дзяржавы падпісаў напярэдадні. Дакумент прадаўжае да 2025 года дзеянне асноўных палажэнняў указу, прынятага 5 гадоў таму. За гэты час многае ўжо зроблена. У рэгіён уклалі больш як 700 мільёнаў рублёў і больш як 30 мільёнаў прамых замежных інвестыцый. Створана больш як 2 тысячы новых высокаэфектыўных рабочых месцаў. Яркі прыклад - беларуска-аўстрыйскі праект - завод па вытворчасці цэментна-стружкавых пліт у Крычаўскім раёне. Тут выпускаюць прадукцыю сусветнага ўзроўню, працуюць 4 змены. Геаграфія экспарту складае ўжо 18 краін. Новы ўказ таксама падае паўнамоцтвы райвыканкамам рэгіёна на распараджэнне маёмасцю, якая знаходзіцца ў рэспубліканскай уласнасці і не выкарыстана ці выкарыстана неэфектыўна. У грамадзян з'явілася магчымасць атрымліваць ва ўласнасць арэнднае жыллё і незапатрабаваныя жылыя памяшканні. Дакумент прадугледжвае і іншыя меры падтрымкі, у тым ліку па тэхнічным пераабсталяванні сельскагаспадарчай вытворчасці і будаўнічых арганізацый.
