Жывыя карціны або аб'ёмныя пано - у Пушкінскай бібліятэцы! Амаль 50 прац у аўтарскай тэхніцы барэльефа - на выставе Мінскага абласнога цэнтра народнай творчасці. Творчы дуэт аўтараў Галіны Наземнавай і Святланы Хількевіч існуе амаль 10 гадоў і стварае сапраўдныя творы мастацтва. Выраб аб'ёмнага пано - карпатлівая ручная праца, якая ўключае ў сябе і жывапіс, і элементы скульптуры. Абедзве мастачкі - інжынеры-архітэктары па прафесіі, адсюль -захапленне дызайнам інтэр'ераў і стварэнне барэльефных прац.
Аўтары-эксперыментатары - удзельнікі шматлікіх выстаў - як мастацкіх, так і будаўніча-інтэр'ерных. Іх творы ў аўтарскай тэхніцы знаходзяцца ў прыватных калекцыях Італіі, Германіі, Вялікабрытаніі, ЗША, Эстоніі, Украіны і Расіі.
