Сёння на плошчах завода Ударнік прайшоў першы этап конкурсу прафесійнага майстэрства для работнікаў холдынга Амкадор. Накрыць пачак запалак шматтонным каўшом, выразаць на станку аб'ёмную ялінку і нават пагуляць на цяжкавагавых пагрузчыках у баскетбол - свае навыкі і прафесіяналізм прадэманстравалі прадстаўнікі рабочых прафесій: электразваршчыкі, аператары станкоў, вадзіцелі-выпрабавальнікі. Конкурс Лепшы па прафесіі пройдзе ў два этапы па 11 намінацыях. Гэтае свята з 2008 года стала неад'емнай карпаратыўнай традыцыяй холдынга Амкадор.
Вынікі конкурсу стануць вядомыя толькі ў верасні. Падчас прафесійнага свята - Дня машынабудаўніка - тут правядуць заключны этап спаборніцтваў. Пераможцы атрымаюць грашовыя прызы, граматы, іх фота вывесяць на Дошку гонару.
