І зноў вяртаемся да маштабнага форуму, які гэтымі днямі прымае Беларусь. Аб культурна-гуманітарным і турыстычным аспектах узаемадзеяння рэгіёнаў Беларусі і Расіі сёння гаварылі ў сценах фамільнага замка Радзівілаў. Ступень увагі турыстаў да рэзідэнцыі ў Нясвіжы вялікая, зрэшты, як і да Мірскага замка. Госці з Расіі рэгулярна наведваюць нашы славутасці. Якія дамоўленасці былі дасягнутыя - Ніна Мажэйка.
Сустрэчу дзвюх дзяржаў нельга назваць пратакольнай. Нават, нягледзячы на тое, што культурная секцыя трэцяга Форуму рэгіёнаў Беларусі і Расіі прайшла ў пампезных дэкарацыях рэзідэнцыі, без перабольшанняў, самага знакамітага магнацкага прозвішча на беларускіх землях - замку Радзівілаў. Справы культурныя вырашалі без пафасу і па-сяброўску.
Культурны дыялог пачалі з агляднай экскурсіі па замку. Тым больш, з такім статусам - уваходзіць у спіс сусветнай спадчыны ЮНЕСКА. І хоць Нясвіж размяшчаецца ў рэгіёне, сапраўды можа звацца сталіцай гістарычнага значэння.
З пярэдняй трапілі ў княжацкія сенцы. Раскоша фамільнай рэзідэнцыі, багатыя інтэр'еры і сама гісторыя адкідвалі на некалькі стагоддзяў назад. Сюды вабіць даўніна. У летні перыяд за адзін толькі уікенд у замку бываюць некалькі тысяч турыстаў. Таму і секцыю, прысвечаную культурна-гуманітарным пытанням развіцця Беларусі і Расіі зрабілі тут. На сустрэчы культурнай эліты Саюзнай дзяржавы размова была канструктыўнай. Кожны даклад рэгламентаваны - не больш за 5 хвілін, хоць і сабраліся гуманітарыі. Мастацтва, адукацыя, турызм. Сферы беларуска-расійскай інтэграцыі.
Барыс Святлоў, Міністр культуры Беларусі: "У нас в 2015 году было подписано соглашение между министерствами культуры Беларуси и РФ. Но главное не в том , как будет общаться министр или заместители министров, а главное, как будет общаться конкретное учреждение культуры и люди, которые работают в этих сферах. И главное, чтобы при всем при этом выигрывал читатель, зритель, слушатель - и россиянин, и белорус".
Ала Манілава, намеснік міністра культуры Расіі: "Вось гэту маштабную частку праектаў трэба пашыраць, таму што ў нас няма мяжы, няма моўнага бар'ера, у нас абсалютная духоўная блізкасць нашых народаў, наша мастацтва ўспрымаецца тут як роднае, але пры ўсім пры гэтым нам трэба, як мне ўяўляецца, надаць увагу падтрымцы рэгіёнаў і нашых муніцыпалітэтаў".
Рэгіянальнае супрацоўніцтва замацавалі пяццю пагадненнямі з абодвух бакоў. Гомельскі цырк і расійская дзяржаўная цыркавая кампанія, Нацыянальны мастацкі музей Беларусі і Бранскі абласны мастацкі музейна-выставачны цэнтр, Нацыянальны гістарычны і Астраханскі дзяржаўны гісторыка-археалагічны музей-запаведнік - гэта не поўны спіс. Паглыбяць узаемаадносіны паміж суполкамі культурных жыхароў гарадоў і сёл.
Падпісанае пагадненне стане гарантам ва ўзаемаадносінах дзвюх дзяржаў. Але не толькі дакумент сцвярджае культурныя пазіцыі Беларусі і Расіі. А доўгія гады партнёрства не толькі ў гуманітарнай сферы.
