Ці выгадная гэта справа - перапрацоўка смецця і колькі можна на гэтым зарабіць, ведае Аляксандр Харавец.
У Беларусі каля 45 тысяч тон аўтапакрышак штогод выкідваюцца на звалкі і забруджаваюць навакольнае асяроддзе. Трэць (а гэта каля 15 тысяч тон) сёння перапрацоўваюць на гэтым самым вялікім заводзе ў Еўропе, што дазваляе цалкам вызваліць Мінскую вобласць ад непатрэбнага хламу.
Аддача інавацыйнай вытворчасці - каля 40 мільярдаў рублёў штогод. Ад закладкі падмурка да выпуску першых тон гатовага прадукту прайшло ўсяго паўгода. Інвестыцыі склалі каля чатырох з паловай мільёнаў еўра.
За адну гадзіну на гэтым заводзе перапрацоўваюць каля 4 тон зношаных шын. Вытворчая лінія цалкам аснашчаная аўтаматызаваным абсталяваннем, якое абсалютна бяспечнае як для работнікаў, так і для навакольнага асяроддзя.
У ролі пастаўшчыкоў і наладчыкаў абсталявання выступілі італьянцы. Начальнік цэха Сяргей Каранько падчас наладкі вытворчай лініі паспеў не толькі разабрацца ва ўсіх нюансах складанага абсталявання, але і вывучыць мову Мікеланджэла і Леанарда да Вінчы.
Наводзіць чысціню і перапрацоўваць шыны - гэта яшчэ і выгадна. Сярэдняя зарплата на прадпрыемстве каля 8 мільёнаў рублёў. У хуткім часе на тэрыторыі мінскага тэхнапарка запрацуе яшчэ адна інавацыйная вытворчасць. На гэты раз па перапрацоўцы бытавой тэхнікі. Старыя халадзільнікі, тэлевізары і камп'ютары пачнуць перапрацоўваць у першым квартале наступнага года.
Як хлам ператвараецца ў карысныя рэчы і колькі можна зарабіць на смецці? Пра гэта і не толькі глядзіце у спецыяльным рэпатажы Агенцтва тэленавін ЭКАноміка ў сераду вечарам.
Старым аўтапакрышкам даюць другое жыццё
11 ноября 2013
Аўтаскаты не на звалку, а ў вытворчасць. На самым буйным заводзе ў Еўропе па перапрацоўцы шын старым аўтапакрышкам даюць другое жыццё. Штогод на прадпрыемстве перапрацоўваюць каля 15 тысяч тон аўтаскатаў. На выхадзе атрымліваюцца металакорд, тэкстыль і гумавая дробка. Гэтая прадукцыя зноў ідзе на прадпрыемствы і вяртаецца да спажыўцоў у выглядзе гумавых ботаў, дзіцячых пляцовак і бегавых дарожак.