Урбаэкалогія, галаграфія і цыркавое мастацтва. Сёлета навучальны год адкрыюць 30 новых напрамкаў.
Што ў трэндзе ў сучасных падлеткаў - ведае Марына Мураўёва.
Бальная пара Яна і Аляксандр - гонар Палаца. Нягледзячы на свой ??узрост - дзецям па 10 гадоў, 6 з іх яны пакараюць паркет у рытме танга, вальса і факстрота. У мінулым годзе маленькія зорачкі занялі першае месца на Рэспубліканскім конкурсе Віцебская сняжынка.
Акрамя бальных танцаў, на прэзентацыі гурткоў Палаца дзяцей і моладзі - 800 секцый, клубаў і аб'яднанняў, больш за 100 напрамкаў дзіцячай творчасці. Тут кожны знойдзе сабе занятак па душы. Традыцыйна ажыятаж на творчасць напярэдадні навучальнага года ўзрастае. Каб запісаць дзяцей у гурток інтэлектуальнага развіцця дашкольнікаў, бацькі займаюць чаргу за гадзіну да адкрыцця.
Але не за ўсе гурткі трэба плаціць. 60% з іх - бясплатныя. Успіс самых папулярных традыцыйна ўваходзяць творчыя і тэхнічныя напрамкі дзейнасці.
Сёлета гурткоўцы змогуць паспрабаваць сябе ў індыйскім класічным або клубе сярэдневяковых танцаў. Сярод навінак гэтага навучальнага года - урбаэкалогія, галаграфія, школа для юных бізнесменаў, цыркавое мастацтва.
Толькі ў мінулым годзе Палац налічваў больш за 8 з паловай тысяч гурткоўцаў. 1.800 з іх - юныя тэхнікі, пераможцы конкурсаў радыёэлектронікі ў Рызе і Маскве, прызёры чэмпіянату свету па авія- і суднамадэляванні.
Узроставы дыяпазон навучэнцаў ад 3 да 30 гадоў. Атрыманыя веды нярэдка дапамагаюць паступіць у ВНУ на бясплатную форму навучання.
Запісацца ў гурткі і секцыі можна з 9 да 19 гадзін да 8 верасня ў мармуровай зале галоўнага корпуса.
