Культурна-асветніцкая акцыя "Бібліяноч" пройдзе ў Беларусі 19 красавіка. Гэтая літаратурная падзея з года ў год збірае вялікую колькасць кнігалюбаў. Настроіцца на літаратурную хвалю запрашае і галоўная бібліятэка краіны. Наведвальнікаў чакае маштабная праграма: музычна-літаратурныя сюрпрызы, квесты, экскурсіі, шахматныя турніры і творчыя сустрэчы са спікерамі. Інтэлектуальныя баталіі разгорнуцца не толькі ў Мінску. Старт штогадоваму праекту дадуць адразу 16 бібліятэк. Адправіцца ў падарожжа па старонках кніг можна ў пятніцу вечарам з 19 да 23 гадзін.
